इण्डस्ट्रिअल सायकॉलॉजीला ऑर्गनायझेशनल सायकॉलॉजी असेही म्हणतात. १९५० मध्ये औद्योगिक क्रांती व्हायला सुरुवात झाली. त्यावेळेपासून इण्डस्ट्रिअल सायकॉलॉजिस्टला महत्त्व प्राप्त झाले आहे. वाढत्या उद्योग-व्यवसायामध्ये कर्मचारी आणि व्यवस्थापनामध्ये दुवा निर्माण व्हावा, यासाठी इण्डस्ट्रिअल सायकॉलॉजिस्टची मदत घेतली जाते. इण्डस्ट्रिअल सायकॉलॉजी या विभागात उत्पादन, तिथल्या अडचणी, कर्मचा-यांचे मानसिक आणि शारीरिक स्वास्थ्य या विषयांमध्ये काम केले जाते. या कामांमध्ये कुशल कर्मचा-यांची भरती करणे, आवश्यक त्या परीक्षा घेणे, टेनिंग कोर्सची निर्मिती, संशोधन प्रकल्प हाती घेणे या कामांचा समावेश होतो. इण्डस्ट्रिअल सायकॉलॉजिस्टला मालक आणि कर्मचा-यांच्या मधला दुवा म्हणून काम करावे लागते. मात्र, इण्डस्ट्रिअल सायकॉलॉजिस्ट म्हणजे लेबर ऑफिसर नव्हे ही बाबही आपण लक्षात घ्यायला हवी.
पात्रता -
इण्डस्ट्रिअल सायकॉलॉजिस्ट होण्यासाठी इण्डस्ट्रिअल सायकॉलॉजी हा विषय घेऊन एमए करणे आवश्यक आहे. त्याचप्रमाणे एमबीए एचआर करणा-या विद्याथ्र्यांना इण्डस्ट्रिअल सायकॉलॉजी हा विषय अभ्यासक्रमातील अविभाज्य भाग आहे. कोणत्याही इतर क्षेत्राप्रमाणे अनुभव असणे ही गोष्ट इंडस्ट्रिअल सायकॉलॉजीमध्येही महत्त्वाची आहे. तुम्ही जितके जास्त अनुभवी होत जाता तितक्या जास्त करिअर संधी तुम्हाला मिळू शकतात. या विषयमध्ये पीएचडी केल्यास त्याचा अतिरिक्त फायदा होतो. अनेक मोठ्या कंपन्यांमध्ये इण्डस्ट्रिअल सायकॉलॉजिस्टची नेमणूक केली जाते. कर्मचा-यांची निवड, त्यांच्या परीक्षा घेणे, कर्मचारी आणि कंपनीचे वरिष्ठ यांच्यातला दुवा म्हणून काम करणे यांसारख्या महत्त्वाच्या क्षेत्रामध्ये इंडस्ट्रिअल सायकॉलॉजिस्टला काम करावे लागते. एचआरचे ज्ञान असल्यास तुम्ही अधिक चांगले काम करू शकता.
नवा टेण्ड -
सध्या अनेक कंपन्यांमध्ये कर्मचारी भरतीच्या वेळी अॅप्टिट्युड टेस्ट आणि पर्सनॅलिटी टेस्ट घेण्याचा टेण्ड दिसून येत आहे. कंपनीच्या गरजेप्रमाणे या टेस्ट तयार करण्याचे कामही इण्डस्ट्रिअल सायकॉलॉजिस्ट करतात. या परीक्षांच्या निकालाचे योग्य स्टॅटिस्टिकल अनेलेसिस करण्याचे महत्त्वाचे कामही यांच्याकडेच असते. त्यामुळे इण्डस्ट्रिअल सायकॉलॉजीला एचआर संबंधित कोर्स, लेबर लॉ किंवा परदेशी भाषेच्या शिक्षणाची जोड असेल, तर इण्डस्ट्रिअल सायकॉलॉ जिस्ट म्हणून उत्तम करिअर करता येत.