कॉम्प्युटरमधील सर्व विद्यार्थ्याचा डाटा करप्ट झाल्याने पुढे ढकलण्यात आलेली एमपीएससीची परीक्षा पुन्हा एकदा घोळात सापडली आहे. १८ मे ला होणा-या या परीक्षेसाठी विद्यार्थ्यानी मागणी केलेली परीक्षा केंद्रे न मिळाल्यामुळे विद्यार्थ्यामध्ये गोंधळाचे वातावरण असल्याचे निदर्शनास आले आहे. राज्य लोकसेवा आयोगामार्फत ७ एप्रिललाया परीक्षेचे आयोजन करण्यात आले होते. परंतु अचानक लोकसेवा आयोगाकडून परीक्षेसाठी अर्ज केलेल्या विद्यार्थ्याचा डाटाच नाहीसा झाल्याने ही परीक्षा १८ मे रोजी आयोजित करण्यात आली होती. परीक्षा पुढे ढकलल्यामुळे निर्धास्त झालेले विद्यार्थी हॉल तिकिट हातात पडल्यानंतर मात्र पुन्हा गोंधळात पडले आहेत. नाशिकच्या अनेक विद्यार्थ्याना पुणे, मुंबई, अहमदनगर यासह राज्यातील अन्य शहरांमधील काही परीक्षा केंद्रे देण्यात आलेली आहेत. अर्ज भरताना नाशिक केंद्राची मागणी करुनही आयोगामार्फत ही चूक झाल्याचे संबंधित विद्यार्थ्यानी सांगितले. परीक्षेला केवळ दहा दिवस उरलेले असतानाच अचानकपणे केंद्र बदलल्याचे कळल्यामुळे विद्यार्थ्यामध्ये तणावाचे वातावरण आहे. याबाबत आयोगाशी संपर्क साधला असता हॉल तिकिटवर मिळालेल्या केंद्रावरच विद्यार्थ्यानी परीक्षा द्यावी लागेल असे सांगितले जात आहे. विद्यार्थ्यानी केन्द्र बदलून देण्याची मागणी केली असता आयोगाने नकार दिला आहे . यापूर्वी आयोजित केलेल्या परीक्षेचा डाटा नाहीसा झाल्यामुळे संबंधित परीक्षा जवळपास दीड महिना पुढे ढकलण्यात आली होती. या कालावधीत विद्यार्थ्यानी पुन्हा हे अर्ज भरुन सर्व प्रक्रिया पार पाडली. तरीही आयोगामार्फत परीक्षा केंद्राच्याबाबतीत ढिसाळपणे नियोजन केल्याचे दिसून येत आहे.
|
Suresh Dindorkar
Author and Admin of this site was formerly P.S. to Union Minister, Govt of India , New Delhi Archives
September 2015
Categories
All
|