आगामी राज्यसेवा पूर्वपरीक्षा आणि विक्रीकर निरीक्षक पूर्वपरीक्षेची तयारी करताना उजळणीला फार महत्त्व आहे. अनेक पुस्तके वाचण्यापेक्षा निवडक संदर्भग्रंथांचा सखोल अभ्यास करा. सर्वसाधारणपणे 50 मिनिटांच्या अभ्यासानंतर पाच मिनिटांचा ब्रेक घ्या. पुढचा घटक अभ्यासण्याआधी मागच्या घटकातील किती गोष्टी लक्षात राहिल्या याचे मनन करा. दिवसाअखेरीस आपण किती वाचले आणि त्यापैकी आपल्या किती लक्षात राहिले हे तपासून पाहा. प्रत्येक आठवडयाच्या शेवटी आणि प्रत्येक महिन्याअखेरीस आपण अभ्यासलेल्या प्रत्येक घटकाची उजळणी करा. परीक्षा जवळ आली असल्याने रोज किमान 50 ते 100 बहुपर्यायी शब्द सोडवण्याचा सराव करा. या परीक्षेसाठी बहुपर्यायी प्रश्न सोडविण्याची पद्धत उपयुक्त आहे.
स्पर्धा परीक्षा म्हटल्यानंतर त्यात नेमकी कोणती स्पर्धा परीक्षा आहे हे डोळ्यासमोर आणणं आवश्यक आहे. त्यानुसार आपल्याला हा अभ्यास करता येईल. येथे आपण एमपीएससी , युपीएससीच्या स्पर्धा परीक्षा असतात त्यासंदर्भात विवेचन करणार आहोत. त्यानुसार अभ्यासाचे टप्पे पुढीलप्रमाणे -
सर्वसाधारणपणे प्रशासकीय सेवेतील मुलाखती अधिक औपचारिक असतात. यामध्ये प्रोटोकॉल ची जाण, वरिष्ठ पदांचे भान या बाबी अपेक्षित असतात. पीएसआय चे पद हे एकात्मिक सेवा आणि कायदासुव्यवस्थेशी थेट निगडित असल्याने उमेदवारांकडून शिस्तीची अपेक्षा अधिक असते. त्यामुळे उमेदवारांचे सादरीकरण व देहबोली सकारात्मक असायला हवी.
विक्रीकर निरीक्षक पदासाठी पूर्वपरीक्षा घेतली जाणार आहे. जर अगदीच गणिती भाषेत तासांचा हिशेब केला आणि त्या तासांचा आपल्या जबाबदा-या व अभ्यासाव्यतिरिक्त इतर गोष्टींचा मेळ घातला तर आपल्यापाशी फारच कमी वेळ आहे, असे तुम्हाला जाणवेल. पण हातात असलेल्या वेळेचा योग्य मेळ साधला तर यश मिळवणे कठीण नाही. या परीक्षेची तयारी करताना पुढे नमूद केलेल्या घटकांचा सविस्तर अभ्यास करणे महत्त्वाचे ठरते.
केंद्रीय लोकसेवा आयोग २०१३च्या परीक्षेचा निकाल जाहीर झाला. केंद्रातील प्रशासकीय सेवांमधली पदं म्हणजे प्रतिष्ठेची, जबाबदारीची आणि मोठं कर्तृत्व गाजवण्याची संधी देणारी. या परीक्षेत उत्तीर्ण होऊन एवढया मोठया पातळीची शासकीय नोकरी मिळवण्याची स्वप्नं पाहात उत्तर भारतातील लाखो तरुण-तरुणी दिवसरात्र एक करतात. मात्र या परीक्षेत उत्तीर्ण होऊन प्रशासकीय सेवांमध्ये जाणा-या मराठी मुला-मुलींचा टक्का एकूण भरल्या जाणा-या पदाच्या १० टक्के एवढाही होत नाही. महाराष्ट्राचा आवाज केंद्रात त्यामुळे तोकडा पडतो. राष्ट्रीय आणि राज्य पातळीवरच्या निर्णयांमध्ये महाराष्ट्र सहभागी नसतो.
|
Suresh Dindorkar
Author and Admin of this site was formerly P.S. to Union Minister, Govt of India , New Delhi Archives
September 2015
Categories
All
|