सामान्यज्ञान - व्यक्तीचं सामान्यज्ञान हे चालू घडामोडींचे अपडेट ठेवल्याने वाढतं तसंच सामान्यज्ञानाची खूप पुस्तकं येतात. ही पुस्तकं अभ्यासासाठी उपयुक्त ठरतात. या पुस्तकांतून आपल्याला काही महत्त्वाच्या अशा राष्ट्रीय आणि आंतरराष्ट्रीय संस्था तेथील पदाधिकारी संघटना आणि त्यांची काय्रे याविषयीची माहिती मिळते. ती माहिती टिपण स्वरूपात लिहून काढली तर आणखीनच उत्तम. वेगवेगळ्या प्रकारच्या नियतकालिकांमधून या संबंधीची कात्रणंदेखील गोळा करून संग्रह करून अभ्यासली तर त्याचादेखील अभ्यासाकरिता उपयोग होऊ शकतो.
संदर्भसाहित्याची जुळवाजुळव - प्रत्येक स्पर्धा परीक्षेला अनुकूल असे संदर्भसाहित्य गोळा करणं हे एक महत्त्वाचं कार्य आहे. म्हणजेच तुम्ही जी परीक्षा देत आहात त्यासंबंधी असा सगळा मजकूर गोळा करणे याचा यात समावेश होतो. या स्पर्धा परीक्षांचा अभ्यास करत असताना महत्त्वाचं म्हणजे अगदी चौथीपासून ते दहावीपर्यंतची पुस्तकं ज्यामध्ये गणित, विज्ञान विविध भाषा यांच्या पुस्तकांचा समावेश असेल त्याचादेखील संदर्भ साहित्य म्हणून उपयोग होऊ शकतो हे विशेष. याव्यतिरिक्त संशोधनपर पत्रिका किंवा काही विशेष पत्रिका निघत असतात त्याचीदेखील जुळवाजुळाव करणं किंवा ते एकत्रित करून त्यांचा अभ्यास सुरू करणं हे महत्त्वाचं आहे.
स्वत:ची प्रश्नपत्रिका काढणे - स्पर्धा परीक्षांचा अभ्यास करत असताना लघुत्तरी आणि दीघरेत्तरी कोणतेही प्रश्न असतील तरी त्या संदर्भात स्वत-ची प्रश्नपत्रिका काढणे आणि त्यानुसार उत्तरांची आखणी करणे हे कधीही फायदेशीर ठरतं. प्रश्नपत्रिका तयार करताना झालेल्या परीक्षांच्या प्रश्नपत्रिका संदर्भ म्हणून वापरता येतात. त्यामध्ये कोणकोणते प्रश्न पुन्हा पुन्हा आलेले आहेत, कोणत्या प्रकारचे प्रश्न येतात, याचा सराव करून आपली स्वत-ची एक प्रश्नपत्रिका तयार करता येऊ शकते. प्रत्यक्ष उत्तरपत्रिका सोडवण्याचा अभ्यास - स्वत:ची प्रश्नपत्रिका तयार झाल्यानंतर त्याची उत्तरे कशी लिहावीत आणि ती प्रत्यक्ष मांडावीत ज्याप्रमाणे स्वत-ला सज्ज करत असतो अगदी त्याप्रमाणे वेळेचं नियोजन करणं आवश्यक आहे. म्हणजेच एकंदरीत उत्तरपत्रिकादेखील सोडवण्याचा सराव होऊ शकेल. याबरोबरच वेळेचं नियोजन तेदेखील आपोआप ठरत असेल. उत्तरपत्रिका सोडवत असतानाच जे प्रश्न सोडवण्यामध्ये अडचणी येतात त्या प्रश्नांची नोंद ठेवणं आवश्यक आहे आणि पुन्हा त्या प्रश्नांची उत्तरं शोधण्याचा प्रयत्न करावा. तसंच सोडवलेली प्रश्नपत्रिका स्वत-च तपासून पहावी किंवा एखादी तज्ज्ञ व्यक्ती असेल तर त्यांच्याकडून सल्ले घेणे आवश्यक आहे किंवा आधीची पास झालेली किंवा परीक्षा दिलेली व्यक्ती त्यांच्याकडूनदेखील मार्गदर्शन घेऊ शकतो.
उजळणी - एकूण सगळ्या टप्प्यांचा अभ्यास केल्यानंतर त्याची पुन्हा उजळणी करणं आवश्यक आहे. ही उजळणी केल्यामुळे आपला अभ्यास किती झाला आहे, त्यात कोणत्या कमतरता आहेत या संदर्भातील नेमका अंदाज घेता येऊ शकतो.